Leikskólinn Sólborg er til húsa að Sólheimum 1, 3 og 5.

Árið 1984 hófst rekstur leikskólans í núverandi mynd en þó hafa viðbætur verið gerðar. Fyrir þann tíma sáu kvenfélagskonur um daggæslu í bæjarfélaginu.

Árið 2002 var tekin í notkun viðbygging þar sem eldhúsið var sett og börnunum veittur heitur hádegismatur. Árið 2005 bættist fjórða deildin við en hún var starfrækt í Samkomuhúsi Sandgerðisbæjar. Veturinn 2006-2007 komu yngstu börnin úr Samkomuhúsinu í leikskólann og elstu börnin fóru á Skólastræti 1. Leikskólinn varð 6 deilda vorið 2007 þar sem húsnæði að Sólheimum 1-3 var tekið í notkun og var þá Skólastræti 1 lagt niður sem leikskóladeild. Haustið 2008 var tekin í notkun viðbygging sem er deild fyrir yngstu börnin og ásamt bættri starfsmannaaðstöðu.

Leikskólinn er nú rekinn af Hjallastefnunni ehf. samkvæmt þjónustusamning við Suðurnesjabæ sem tók gildi í ágúst 2012.